Kreu i grupit mercenar rus Wagner, Yevgeny Prigozhin, ndodhet në Moskë që nga 1 korriku, njoftoi media franceze Liberation, duke cituar shërbimet e inteligjencës perëndimore.
Sipas raportit, Prigozhin po mbahej në Kremlin dhe po negocionte me Putinin për fatin e Wagner, transmeton Telegrafi.
Zëdhënësi i Kremlinit, Dmitry Peskov, konfirmoi sot se Prigozhin dhe Putin u takuan më 29 qershor. Ai tha se takimi ka zgjatur tre orë dhe në të kanë marrë pjesë 35 persona.
“Gjatë një takimi tre orësh me 35 persona, dy komandantë të njësisë Wagner i thanë Putinit se do të vazhdonin të luftonin për të”, pohon Peskov.
Kujtojmë se pak ditë më parë presidenti i Bjellorusisë, Aleaandar Lukashenko tha se Prigozhin ndodhet në Rusi dhe se çështja e zhvendosjes së mijëra luftëtarëve të tij në Bjellorusi ende nuk është zgjidhur. /Telegrafi/