Dëshirën e madhe për vetura luksoze, një skulptor e ka kthyer në vepër arti.
Kellen Silverthorn punon në gur të rrallë mermeri, që merren nga vende të ndryshme të botës, për t’i kthyer në makina në miniaturë, transmeton Telegrafi.
Prej Ferrari deri te Lamborghini, të gjithë këta automobila janë kthyer në skulptura që vendosen për dekor.
Këto punime të gjata nga 50 deri në 90 centimetra, kanë një peshë që arrin deri në 36 kilogram. Mermeri i këtyre veturave, është marrë kryesisht në Turqi, Itali dhe Indi.
Lidhur me këto punime, Silverthorn do ta organizojë për herë të parë një ekspozitë, ku vizitorët kanë mundësi t’i shohin nga afër dhe të mësojnë për përmbajtjen e tyre. /Telegrafi/
