Publikohet videoja, ukrainasit rrëzojnë me raketën amerikane Patriot aeroplanin luftarak rus SU-34

Komandanti i Forcave Ajrore të Ukrainës, ka njoftuar se forcat ukrainase kanë shkatërruar 12 dronë të lëshuar nga Rusia gjatë natës, një raketë Kh-59 si dhe një bombardues SU-34.

“Dua të falënderojë forcat ajrore për suksesin në fushëbetejë”, ka thënë Mikola Oleshchuk në aplikacionin Telegram, transmeton Telegrafi.

E në rrjetin social X, është shfaqur videoja e rrëzimit të aeroplanit luftarak rus në afërsi të Dajkovës në lindje të rajonit Luhansk.

Lexo po ashtu Vdekja e Alexei Navalny, ekipi i tij akuzon Rusinë “për fshehjen” e trupit

Konsiderohet që SU-34 është një prej bombarduesve më të fuqishëm rus, që është rrëzuar me raketën amerikane të tipit Patriot.

Në video shihet aeroplani i përfshirë nga zjarri duke u rrëzuar në tokë, me shpejtësi të madhe si dhe tymi i zi që ngritet në qiell. /Telegrafi/