Këngëtarja shqiptare me famë botërore, Rita Ora, ka prezantuar sot (e premte) projektin e ri muzikor.
“You For Me” mban titullin kënga që është në bashkëpunim me DJ-në e njohur britanik, Sigala.
Projekti i dyshes së famshme tashmë është lansuar në të gjitha platformat muzikore, me një paraqitje të mahnitshme të yllit shqiptar.
“You For Me, miku im i mahnitshëm Sigala më kërkoi që të këndojë në këtë këngë verore dhe unë nuk mund t’i rezistoja. Unë absolutisht e dua atë dhe besoj se edhe ju do e bëni të njëjtën gjë. Është publikuar tani”, ka shkruar Ora.
Reagimet kanë qenë të menjëhershme dhe nuk ka dyshim se do jetë një nga hitet e kësaj vere në tregun muzikor internacional.
Siç e theksuam më lartë, kënga tani është e disponueshme për të gjithë në iTunes Store, Soundcloud, deezer, amazon music, YouTube etj.
Më poshtë ua sjellim këngën në versionin ‘audio’ të shoqëruar me një video:
/Telegrafi/