Lionel Messi thuhet se e ka gjetur tashmë një shtëpi të re luksoze përpara lëvizjes së tij në Inter Miami.
Ikona e futbollit, e cila frymëzoi Argjentinën në një fitore në Kupën e Botës ndaj Francës dhjetorin e kaluar, ka zgjedhur të bashkohet me skuadrën e MLS- së këtë verë – duke përmbyllur qëndrimin e tij dy-vjeçar me Paris Saint-Germain.
Messi me sa duket ishte në rrugën e duhur për një rikthim mahnitës në Barcelonë si agjent i lirë pas skadimit të kontratës së tij në Parc des Princes, shkruan The Sun.
Por shtatë herë fituesi i Topit të Artë thuhet se ka refuzuar një rikthim emocional në Nou Camp dhe pasuritë e Arabisë Saudite për t’iu bashkuar revolucionit të Inter Miami.
Sipas The Times, bashkimi me ekipin e David Beckham do ta bëjë Messin lojtarin më të paguar në historinë e MLS.
Messi, 35 vjeç, nuk e ka e fshehur dëshirën se një ditë do të luajë në skuadrën e tij të dikurshme.
Ai i tha televizionit spanjoll La Sexta vitin e kaluar: “Plani im është të jap gjithçka që mundem për klubin për momentin.
“Do të doja të luaja në Shtetet e Bashkuara dhe të përjetoja jetën dhe ligën atje, por përfundimisht të kthehesha në Barcelonë me një farë kapaciteti. Unë nuk jam duke menduar shumë përpara në afat të shkurtër dhe thjesht dua të shoh se si përfundon sezoni”, kishte deklaruar ai.
Dhe sipas radiostacionit me bazë në Madrid, Cadena Ser, Messi bëri lëvizjen e tij të parë drejt Miamit me blerjen e një apartamenti luksoz në qytet gati dy vjet më parë.
Një apartament me vlerë të paktën 7.2 milionë funte (8.3 milionë euro) thuhet se është blerë nga argjentinasi në vitin 2021.
Kulla e mrekullueshme e dizajnit Porsche, e përfunduar në 2017, ndodhet në plazhin Sunny Isles në Miami.
E markuar nga prodhuesi gjerman i supermakinave me të njëjtin emër, ndërtesa krenohet me tre ashensorë makinash që lejojnë banorët të parkojnë automjetet e tyre në të njëjtin kat me suitën e tyre.
Blaise Matuidi dhe Gonzalo Higuain iu bashkuan Interit gjatë sezonit 2020 dhe Olivier Giroud thuhet se iu ofrua një apartament në Porsche Design Tower për ta nxitur atë për një lëvizje tek ekipi i tyre. /Telegrafi/
