Paris Saint-Germain është hapur për transferimin e Neymarit te Barcelona, por vetëm në rast se katalunasit plotësojnë kushtet e tyre.
Neymar ka qenë i lidhur me një largim nga PSG këtë verë, me Barcelonën skuadrën më të interesuar për shërbimet e tij.
Shumë oferta të katalunasve thuhet se janë refuzuar nga gjigantët spanjollë, ndërsa tani po qarkullon një lajm se PSG ia ka treguar Barcelonës mundësitë e transferimit.
Sipas gazetës katalunase Mundo Deportivo, PSG ia ka treguar Blaugranëve dy format që mund t’ia rrëmbejnë Neymarin.
Fillimisht PSG i ka kërkuar Barcelonës 250 milionë euro para për Neymarin, ose 100 milionë euro plus shërbimet e Ousmane Dembeles dhe Nelson Semedos.
Opsioni i fundit ishte zgjedhja e parë e PSG-së, por besohet se asnjëri nga lojtarët e Barcelonës nuk ishte i interesuar për këtë shkëmbim.
Dyshja janë vetëm dy nga emrat e listës së gjatë që janë lidhur me një transferim te kampionët francezë në një marrëveshje të mundshme për brazilianin, së bashku me Ivan Rakitic dhe Philippe Coutinho para kalimit të tij të Bayernit. /Telegrafi/