Barcelona shpreson të përfundojë transferimin e mesfushorit të Paris Saint-Germain, Angel Di Maria para mbylljes së afatit kalimtar veror spanjoll.
Sipas “Sport”, Barcelona ka dështuar me ofertat prej 25 milionë dhe 35 milionë eurove për ish-futbollistin e Real Madridit.
Madje, PSG thuhet se ka ulur çmimin e largimit të lojtarit prej 90 milionëve në 60 milionë euro.
Kjo lë të kuptohet se është një diferencë e thellë, por Barca do të vazhdojë bisedimet me parisienët deri në orën 23:00.
Di Maria, 29 vjeç, ka luajtur për Real Madridin për katër vjet 2010/14, ku ka fituar Ligën e Kampionëve në sezonin e tij të fundit, si dhe një titull të La Liga dhe dy Copa del Reys.
Barca ka transferuar deri më tani Ousmane Dembele nga Borussia Dortmund Ndërsa e ka shitur Neymarin te PSG-ja për 222 milionë euro, por nuk ishin në gjendje të bindin Liverpoolin ta shesë Philippe Coutinhon. /Telegrafi/