Të paktën një raketë ruse goditi një ndërtesë në Lviv, shumë pranë aeroportit të qytetit.
Kryetari i qytetit, Andriy Sadovyi pohoi se nuk ishte në gjendje të konfirmonte vendndodhjen e sulmit, por që është e sigurt se nuk ka të bëjë me aeroportin e qytetit.
Deri më tani, qyteti piktoresk në Ukrainën perëndimore është kursyer kryesisht nga bombardimet e pamëshirshme të forcave ruse, raporton cnn.
Por, pse është kaq i rëndësishëm qyteti i Lvivit?
Vendndodhja: Rreth 70 kilometra nga kufiri polak, Lviv është në pragun e një shteti anëtar i NATO-s – çdo sulm këtu mund të ketë pasoja ndërkombëtare.
Refugjatët: Lviv është kthyer në pikën zero për ukrainasit e zhvendosur. Ai ka strehuar më shumë se 200 mijë njerëz të zhvendosur brenda vendit në një qytet me pak më shumë se 700 mijë banorë. Qyteti më shumë shfrytëzohet si një pikë ndalimi përpara se të shkojnë në kufi.
Logjistika: Rajoni më i madh shërben si një rrugë thelbësore për furnizimin me armë për ushtrinë ukrainase dhe një përpjekje më e gjerë rezistence që ka dështuar planet e Moskës për një pushtim të ngjashëm me atë.
Kultura: Qendra historike e Lvivit është pjesë eTrashëgimisë Botërore të UNESCO-s dhe Muzeu Kombëtar strehon koleksionin më të plotë të vendit të artit të shenjtë mesjetar dhe dorëshkrimeve të rralla fetare.
Baza e përkohshme: Qyteti është bërë shtëpia e improvizuar për shumë organizata mediatike dhe ambasada, të cilat u detyruan të zhvendoseshin nga kryeqyteti i Ukrainës, Kievi. /Telegrafi/