Ndërsa përpjekja e fundit për të evakuuar civilët nga Mariupol dështon, këtu është një kujtesë pse kjo përpjekje humanitare është kaq e rëndësishme.
Mariupol është granatuar pothuajse vazhdimisht nga forcat ruse për disa javë dhe 90 për qind e ndërtesave janë dëmtuar. Të paktën 5000 njerëz kanë vdekur.
Trupat ruse deri më tani nuk kanë qenë në gjendje të kapnin të gjithë qytetin, megjithëse ka pasur luftime në rrugë në zonat qendrore, raporton bbc.
Të paktën 150 mijë civilë mendohet se mbeten në qytet, i cili para luftës banohej nga gjysmë milioni njerëz. Ata nuk kanë ushqim, ujë të pijshëm apo energji elektrike.
Përpjekje të shumta janë bërë, duke përfshirë Francën, Greqinë dhe Turqinë, për evakuimin e civilëve dhe lejimin e ndihmave humanitare, por deri më tani vetëm një pikë e vogël njerëzish kanë mundur të largohen nga këto korridore.
Ndërkohë Ukraina ka akuzuar Rusinë se ka zhvendosur me forcë rreth 40 mijë njerëz në territorin e kontrolluar nga Rusia. /Telegrafi/