Drejtuesit e klubit të madh anglez, Chelsea thuhet se janë gati të ndahen nga trajneri i tyre, Mauricio Pochettino, në javët apo muajt e ardhshëm.
Pochettino ka parë rënie të madhe të ‘aksioneve’ të tij pasi humbën finalen e Carabao Cup.
Kështu, Blutë thuhet se do të hartojnë një listë të zëvendësuesve të trajnerit argjentinas.
Sipas The Mail, bashkëpronari i Chelseat, Todd Boehly është gati të shkarkojë një tjetër menaxher në kohën e tij në krye të klubit nga Stamford Bridge.
Blutë kanë shkarkuar Thomas Tuchel dhe Graham Potter, dhe kanë pasur Frank Lampard si një mandat të përkohshëm, ndërsa Pochettino do bëhej i katërti.
Menaxheri i Sporting Lisbonës, Ruben Amorim, po shihet si një alternativë kryesore për ta pasuar argjentinasin në Londër. /Telegrafi/