Pas vendosjes së masës së ndalimit për 24 orë të deputetëve të Lëvizjes Vetëvendosje, Prokuroria ka kërkuar që të njëjtëve tu caktohet masa e paraburgimit.
Lajmin për Telegrafin e ka konfirmuar zëdhënësi i Prokurorisë, Ekrem Lutfiu.
“Prokuroria ka kërkuar nga Gjykata Themelore caktimin e masës së paraburgimit për deputetët e Vetëvendosjes, të cilët dyshohet sa kanë hedhur gaz lotsjellës në seancën e Kuvendit gjatë ditës së djeshme”, ka thënë Lutfiu.
Arbërie Nagavci, Drita Millaku, Fitore Pacolli, Liburn Aliu, Valon Ramadani, Salih Zyba dhe Xhelal Sveçla janë deputetët e VV-së të arrestuar të mërkurën në seancën e Kuvendit të Kosovës për demarkacionin me Malin e Zi. /Telegrafi/