Telegrafi

Profecia e Ancelottit që e ‘detyroi’ Perezin t’ia linte të gjitha gjërat italianit rreth skuadrës – Marca del me prapaskenat e Valdebebas

Real Madrid përfundoi një sezon të paharrueshëm duke mundur Liverpoolin për të fituar Ligën e Kampionëve të shtunën mbrëma.

Carlo Ancelotti ishte edhe një herë truri i triumfit të skuadrës së tij, pasi ai i udhëhoqi ata drejt trofeut të tretë të sezonit.

Trofeu i parë erdhi me fitoren e Superkupës së Spanjës në janar, përpara se të siguronte titullin e La Ligës më 30 prill.

Lexo po ashtu “Salah foli shumë para lojës, në fund këngëtarja pati paraqitje më të mirë” – Carvajal nuk kursen egjiptianin

Ka pasur një numër ulje-ngritjesh gjatë rrugës, më së shumti humbja 4-0 në El Clasico në shtëpi ndaj Barcelonës në mars.

Kjo disfatë mund të kishte prishur sezonin e Los Blancos, veçanërisht duke pasur parasysh mënyrën në të cilën Barcelona performoi atë natë.

Megjithatë, klubi e rifitoi shpejt qetësinë dhe vetëbesimin, falë edhe një herë Ancelottit.

Lexo po ashtu Ngriten polemika mbi golin triumfues të Viniciusit - a duhej të anulohej goli i brazilianit?

Trajneri italian u takua me Florentino Perez në Valdebebas në ditët pas humbjes dhe MARCA zbuloi detajet e kësaj bisede.

Ancelotti deklaroi besimin e tij të palëkundur te lojtarët e tij, ai foli për atë që duhej për sezonin e ardhshëm, përpara se t’i bënte një profeci presidentit të klubit.

“Relaksohu Presi, ne do të fitojmë La Ligan dhe Ligën e Kampionëve”, kishte thënë ai.

Lexo po ashtu Zhduket tifozi i Liverpoolit, babai i dy fëmijëve - familja e alarmuar del me apel për ndihmë

Presidenti i klubit u ndje i sigurt nga fjalët dhe puna e trajnerit italian dhe u bind se profecia e tij do të përmbushej.

Që nga ajo humbje, Real Madridi fitoi titullin e La Ligës me katër ndeshje të mbetura, me humbjen ndaj Atletico Madridit kur titulli ishte siguruar tashmë.

Ata eliminuan gjithashtu Chelsean, Manchester Cityn dhe Liverpoolin, të cilat janë tre skuadrat më të mira në Ligën Premier, për të përfunduar një sezon të mrekullueshëm me titullin e tyre të 14-të të Ligës së Kampionëve. /Telegrafi/