Në Gjakovë tashmë janë prodhuar mbulesat e para të veturave të reja të kompanisë suedeze Volvo. Këtë e ka bërë të ditur presidenti i AKR-së, Behgjet Pacolli.
“Këto mbulesa të kompanisë suedeze Volvo sot janë prodhuar në fabrikën Intertex në Gjakovë. Krenar! #madeinkosova”, ka shkruar ai në rrjetin social facebook.
Kjo fabrikë, e para në Gjakovën e pasluftës, është dy muaj më parë dhe fillimisht ka 70 të punësuar.
Kompania “Intertex” do të prodhojë mbulesa për një përdorim për vetura të firmave të njohura si Audi, Volvo dhe disa makina të tjera.
Po ashtu, pritet që se shpejti të fillojë prodhimin e rrobave të Ushtrisë Amerikane, të jelekëve anti-plumb si dhe atyre të gjuetisë.
Prodhimi i deritashëm i këtyre mbulesave për Volvo, VW dhe Audi bëhet në Ukrainë. Por, tashmë një pjesë e prodhimit do të kryhet në Gjakovë.
Këto mbulesa të kompanisë suedeze Volvo sot janë prodhuar në fabriken Intertex në Gjakovë. Krenar! #madeinkosova
Posted by Behgjet Pacolli on Friday, April 10, 2015