Policia ka ndaluar 15 migrantë në Vërmicë, të cilët dyshohen se kanë hyrë në territorin e Kosovës nga Shqipëria.
Ata janë nga Siria, Somalia, Eritera dhe Egjipti, transmeton Telegrafi.
“Njësia policore ka ndaluar 15 persona, shtatë nga Siria, katër nga Somalia, 3 nga Eritrea dhe 1 nga Egjipti, të cilët kanë deklaruar se janë futur nga Republika e Shqipërisë në Republikën e Kosovës nga tre persona të dyshuar me një furgon deri afër kufirit, dhe pastaj në këmbë janë futur në Kosovë”, bëhet e ditur në njoftim.
Lidhur me rastin janë ndërmarrë veprimet e nevojshme për procedura të mëtejme hetimore. /Telegrafi/