Princi William ka njoftuar emrat e famshëm që do të marrin pjesë në ndarjen e çmimeve “Earthshot Awards”, që transmetohet më 17 tetor.
Bashkuar nga nikoqirët Clara Amfo dhe Dermot O’Leary, grupi zbuloi se mund të prisni të shihni shfaqje nga Ed Sheeran, KSI dhe Yemi Alade, Shawn Mendes dhe Coldplay, shkruan People.
Kate Middleton, Emma Thompson, Emma Watson, David Oyelowo dhe Mo Salah do të jenë prezantuese gjatë mbrëmjes duke festuar ndryshuesit që kanë një pasion për çështjet mjedisore globale.
“Çmimi Earthshot është projektuar për të festuar finalistët tanë si udhëheqës vizionarë që janë. Lista e suksesshme e artistëve, atletëve dhe prezantuesve që kanë nënshkruar çmimet tona inauguruese dëshmon se sa emocion ka për të rritur veprimet optimiste ndaj sfidave të mëdha të kohës sonë. Ky do të jetë një shfaqje çmimi ndryshe nga çdo që keni parë më parë që do t’ju argëtojë dhe do t’ju frymëzojë të ndërmerrni veprime për të riparuar planetin në këtë dekadë vendimtare”, tha në një deklaratë CEO i Fondacionit Mbretëror, Jason Knauf.
Çmimet inauguruese të “Earthshot Awards” do të filmohen në Alexandra Palace në Londër dhe do të transmetohen në BBC One, BBC iPlayer dhe globalisht në faqen e Discovery në Facebook. Çmimet do të zhvillohen çdo vit deri në vitin 2030.
Këshilli i ndarjes së çmimeve “Earthshot Awards” që përfshin William, dokumentuesi për natyrë Sir Attenborough, këngëtaren Shakira dhe aktorja Cate Blanchett do të vendosin fituesit. /Telegrafi/