Shefi i grupit mercenar Wagner, Yvgeny Prigozhin ka kontaktuar përfaqësuesit e liderit çeçen Ramzan Kadyrov për t’ia dorëzuar pozicionet në Bakhmut, duke filluar nga 10 maji, njoftoi shërbimi për shtyp i Prigozhin.
“Tash veçse jam në kontakt me përfaqësuesit e tij për të nisur menjëherë transferimin e pozicioneve, në mënyrë që në mesnatën e 10 majit, pikërisht në momentin kur sipas llogaritjeve tona do të na harxhohen furnizimet luftarake, shokët tanë do të zënë vendin tonë dhe të vazhdojnë sulmin ndaj Bakhmutit”, sipas deklaratës së shërbimit për shtyp që besohet të jetë thënë nga Prigozhin, transmeton Telegrafi.
Sipas tij, forcat speciale të Akhmatit (çeçene) “do ta uzurpojnë me patjetër” Bakhmutin.
Ramzan Kadyrov kishte thënë më parë se luftëtarët e Akhamtit do të mund të zëvendësojnë trupat e Wagner në Bakhmut. Ai shtoi se ushtria nuk do të largohej nga “pozicionet e saj të fortifikuara mirë” mes raporteve për një kundërofensivë të ardhshme ukrainase, të cilën ai e quajti “propagandë të lirë”.
Të enjten dhe të premten, Prigozhin ka publikuar një sërë videosh duke njoftuar se do të tërheqë trupat Wagnger nga Bakhmuti nga 10 maji, vetëm nëse ministria ruse e Mbrojtjes fillon t’i furnizojë ata me municione.
Wagner PMC’s Prigozhin has lost it. Hard not to interpret this as a declaration of war against Russia’s Defence Minister Shoigu and Armed Forces Chief Gerasimov. Yesterday, Wind of Change mentioned that FSB resources are being diverted to prevent a coup. pic.twitter.com/MvMs3el5YG
— Igor Sushko (@igorsushko) May 4, 2023
Sipas Prigozhin, deri më 1 maj, grupi Wagner kishte marrë vetëm 10 për qind të municioneve të nevojshme.
Vlen të theksohet, se grupi mercenar rus ka luajtur një rol kyç në luftimet në Bakhmut. /Telegrafi/