Shefi i grupit mercenar rus Wagner, Yvgeny Prigozhin, akuzoi të premten udhëheqjen ushtarake ruse për goditjen e një kampi ushtarak Wagner dhe vrasjen e “një numri të madh” të ushtarëve të tij.
Prigozhin pretendoi se Ministria Ruse e Mbrojtjes e mashtroi Wagnerin dhe ai u zotua se do t’ju përgjigjej këtyre mizorive, transmeton Telegrafi.
“Ata na mashtruan tinëz, duke u përpjekur të na privojnë nga mundësia për të mbrojtur shtëpitë tona dhe në vend të kësaj të sulmonin grupin Wagner PMC. Ne ishim të gatshëm të bënim lëshime në Ministrinë e Mbrojtjes për të dorëzuar armët tona dhe për të gjetur një zgjidhje se si do të vazhdojmë të mbrojmë vendin tonë. Por këta të poshtër nuk u qetësuan”, tha Prigozhin.
“Ata e panë që ne nuk ishim të thyer dhe filluan sulmet në kampet tona. Një numër i madh i luftëtarëve tanë u vranë, bashkëluftëtarët tanë. Ne do të marrim një vendim se si do t’ju përgjigjemi këtyre mizorive. Hapi tjetër është i yni”, vazhdoi ai.
Ministria ruse e Mbrojtjes mohoi sulmin ndaj një kampi Wagner në një postim në Telegram të premten, duke i quajtur mesazhet dhe videot e përhapura në rrjetet sociale si “të pavërteta” dhe “një provokim informativ”.
“Shumë dhjetëra, mijëra jetë, ushtarë rusë do të ndëshkohen”, tha Prigozhin. “Unë kërkoj që askush të mos bëjë asnjë rezistencë. Diku ata do të tregojnë një rezistencë të tillë, ne do ta konsiderojmë atë një kërcënim dhe do t’i shkatërrojmë menjëherë. Kjo përfshin çdo bllokim rrugësh që na qëndron në rrugën tonë, çdo aeroplan që shihet mbi kokat tona”.
Vlen të theksohet se grupi Wagner kishte pasur një rol kyç në luftimet në Ukrainë.
Pamjet e ndara në rrjet tregojnë dëmet në kampin e grupit Wagner për sulmet që supozohet se i kanë kryer forcat ruse. /Telegrafi/
Channels of the #Wagner PMC state that the #Russian army launched a missile attack on the location of the Wagner mercenaries. pic.twitter.com/GsAnfmuCJs
— NEXTA (@nexta_tv) June 23, 2023