Prezantuesi i emisionit “Barber Shok” në RTV Dukagjini, ka qenë pjesë e lajmeve të shtypit rozë për një pjesëmarrje të mundshme në spektaklin e Big Brother VIP.
Ai është përfolur se do të jetë pjesë e edicionit të dytë të Big Brother VIP Albania, i cili pritet të nisë më 24 dhjetor.
Mirëpo në një prononcim për Telegrafin, ish-basketbollisti ka mohuar të pjesëmarrjen e tij në këtë spektakël, duke refuzuar ftesat e dy produksioneve.
“Po, është e vërtetë që kam marrë ftesën për të qenë pjesë e Big Brother VIP si në Kosovë ashtu edhe në Shqipëri, por nuk do të jem pjesë e asnjërit prej tyre, por kurrë mos thuaj kurrë. Asnjëherë nuk i dihet”, tha Fis Juniku për Telegrafin.
Tutje, ai shtoi se arsyeja e mos-pjesëmarrjes është koha dhe angazhimet në emisionin e tij, “Barber Shok”.
“Kam qenë i angazhuar me sezonin e ri të ‘Barber Shok’, ku edhe për fundvit jam në përgatitje të një edicioni special festiv për shikuesit e rregullt të emisionit tim”, ka thënë tutje ai.
Big Brother VIP Kosova përndryshe ka pak ditë që ka nisur aventurën 100 ditore, me një format të tillë që për herë të parë vjen në Kosovë. /Telegrafi/