Presidenti i UEFA-s, Aleksander Ceferin ka thënë se ai nuk është tifoz i VAR-it, duke e quajtur për më shumë si një rrëmujë.
Video asistenti i gjyqtarëve është inkuadruar gradualisht në futboll në vitet e fundit, por i pari i shtëpisë më të madhe në futbolli evropian nuk e pëlqen.
“Është një rrëmujë. Nuk mendoj se një apo dy centimetra duhet ta ndalojnë një lojtar për të shënuar gol, shembull nga pozita jashtë loje”, ka thënë ai në një intervistë për The Mirror.
“Ne do të tentojmë t’i bëjmë disa ndryshime në IFAB. Por, do të ketë ndryshime edhe për gjyqtarët”.
“Ne kemi diskutuar në shumë takime të UEFA-s dhe gjërat duhet të qartësohen më shumë dhe kam biseduar edhe me kreun e gjyqtarëve, Roberto Rosetti, që tha: Duhet të jetë e qartë dhe jo të ketë gabime”.
“Nuk jam tifoz i VAR-it, nuk më pëlqen. Ish skeptik qysh nga fillimi. Fatkeqësisht nuk ka kthim mbrapa”, ka shtuar më tej Ceferin.
VAR ka filluar të implementohet që nga viti 2017, por që deri më tani ka sjell më shumë probleme dhe ka lënë situata diskutabile. /Telegrafi/