Presidenti i Argjentinës, Alberto Fernandez publikisht i ka kërkuar Lionel Messit që të rikthehet të luajë për klubin e fëmijërisë, Newell’s Old Boys.
Gjashtë herë fituesi i Topit të Artë është duke e kërkuar largimin nga Barcelona në këtë verë, pas 20 vitesh qëndrimi në Camp Nou.
Manchester City besohet se po e drejton garën për transferimin e 33-vjeçarit, mirëpo presidenti Fernandez ka kërkuar publikisht nga Messi që të rikthehet te skuadra e tij e parë.
“Ti je në zemrat tona dhe nuk të kemi parë ende të luash në vendin tonë”, ka thënë presidenti argjentinas për C5N.
“Na dhuroni kënaqësinë që të përfundosh karrierën te Newell’s Old Boys. Të gjithë këtu e ëndërrojnë një gjë të tillë, shpresoj që edhe ju”, ka shtuar më tej ai.
Por, Barcelona ka bërë të ditur se nuk do të lejojë Messin të largohet nën shumën e 700 milionë eurove, aq sa është klauzola e tij. /Telegrafi/