Është publikuar bashkëpunimi më i ri i këngëtarit Blero me këngëtarin nga Zvicra, Franques dhe JD.
“Out Of My Head” titullohet kënga e tyre më e re, e cila është njëkohësisht e para në anglisht për këngëtarin kosovar.
Në një intervistë për Telegrafin, dhënë pak ditë më parë, Blero pati rrëfyer ekskluzivisht detajet e këtij bashkëpunimi.
“Është një këngë shumë më ndryshe se të tjerat, sepse është vetëm me kitarë dhe një melodi shumë interesante. Ky projekt është bashkëpunim me “Roton Music” nga Rumania, dhe do të jetë në dy gjuhë: shqip dhe anglisht”, ka treguar Blero për Telegrafin.
Ndërkohë, klipi i këngës është xhiruar në një nga resortet më luksoze të bregdetit turk, dhe sjell atmosferë mjaft verore brenda tij.
Klipi është realizuar nga Daniel Joveski. /Telegrafi/
