Këngëtarja e njohur Mihrije Braha ka publikuar projektin e saj më të ri muzikor, këngën dhe klipin “Jam nxon”.
Në një bisedë për Telegrafin ditë më parë, këngëtarja Braha kishte shpalosur detajet e kësaj kënge të re.
“Është një këngë me tematikë verore, për muzikën dhe tekstin e së cilës është kujdesur DJ Cimi. Është një këngë ritmike, e cila shpresoj të pëlqehet nga publiku”, është shprehur Mihrije Braha për Telegrafin.
Ndërkohë, klipi duket të jetë gjithashtu mjaft “i nxehtë’, dhe në të këngëtarja vjen mjaft atraktive.
Xhirimet e klipit janë realizuar në Dhërmi, ndërsa është finalizuar si klip nga Blerdi Malushi. /Telegrafi/
