Këngëtari Ardian Bujupi dhe reperi Capital T kanë publikuar bashkëpunimin e tyre të ri, këngën dhe klipin “Andiamo”.
Dyshja janë bërë bashkë për të sjell në treg këtë këngë verore, ndërsa në një intervistë të dhënë për Telegrafin pak ditë më parë, kanë shpalosur detajet e këtij bashkëpunimi.
Kjo këngë, ashtu siç ka treguar Ardiani për Telegrafin, është pjesë e albumit të tij të tretë, nga i cili këtë verë ka publikuar plot këngë me klipe.
“Andiamo” është fjalë që ka prejardhje nga gjuha italiane, ndërsa në shqip ka kuptimin “Le të shkojmë”.
Ky bashkëpunim pritet të jetë një ndër hitet absolute të kësaj vere. /Telegrafi/
