Forcat ukrainase po vazhdojnë me operacionet ushtarake kundër rusëve, që çdo ditë e më shumë po pësojnë humbje.
E këtë gjë më së miri e shpjegojnë sulmet e fundit, ku forcat ruse raportohet se çdo ditë po humbin qindra ushtarë në fushëbetejë, transmeton Telegrafi.
Një prej këtyre sulmeve është publikuar në rrjetet sociale, ku shihet se si predha e ushtrisë ukrainase bie pranë ushtarëve rusë që po qëndronin pranë një kamioni ushtarak.
Videoja është realizuar në pjesën lindore të Ukrainës, ku rusët po shfrytëzojnë zonat malore dhe shtëpitë e civilëve si strehë dhe maskim.
No comments pic.twitter.com/KLMQ8dxeGJ
— IgorGirkin (@GirkinGirkin) August 18, 2022
Megjithatë edhe kjo metodë nuk po i ndihmon rusëve, pasi dronët ukrainas tërë kohën po i vëzhgojnë dhe sulmojnë.
Në momentin që ushtarët rusë dukeshin se po bartnin diçka nga kamioni, një predhë bie pranë tyre – duke i alarmuar dhe i detyruar të vrapojnë në të gjitha anët për t’i shpëtuar më të keqes. /Telegrafi/