Që nga muaji shtator, portieri i Paris-Saint Germainit, Kevin Trapp, ka kaluar një periudhë të vështirë në kryeqytetin francez.
Pas gafave që i kushtuan fitoren PSG-së ndaj Bordeaux, ku në ndeshjen e përfunduar 2-2, portieri gjerman ishte fajtor në të dy golat e pësuar, tashmë duket se 25-vjeçari është ambientuar më së miri në “Parc des Princes”, transmeton Telegrafi.
Pas takimit të së dielës midis PSG dhe Marseille, Kevin Trapp duket se ka shpenzuar mbrëmjen e së dielës me postarin Rihanna, teksa kishte lënë mbresa te ylli nga Barbadosi gjatë fitores 2-1 të PSG-së ndaj Marseille.
Rihanna u pa në tribunën e stadiumit, Parc des Princes, së bashku me personazhe të tjerë të spektaklit si Kendall Jener dhe Gigi Hadid, të cilët ishin të pranishëm në Paris për javën e modës. Dhe me sa duket, ajo mbeti “e magjepsur” nga 25-vjeçari gjerman, i cili arriti të priste një 11 metërsh gjatë “klasikes” së parë të sezonit. /Telegrafi/
