Nuk ka zgjatur shumë gëzimi i Chelseat në ndeshjen kundër Barcelonës.
Blutë kaluan të parët në epërsi me anë të Willian që shënoi një gol të bukur (62′), por katalunasit reaguan shumë shpejt.
Ndërsa goli i barazimit erdhi nga lojtari më i mirë i mysafirëve, Lionel Messi.
Pas një reagimi të shkëlqyer, Andres Iniesta e nxori në rast fantastik argjentinasin, i cili e dërgoi topin në rrjetë (75′).
Chelsea 1-1 Barcelona (Messi) #ChelseaBarca #CHEBAR #UCL #uefachampionsleague #Messi pic.twitter.com/H5ed95A5LE
— FootballVids4K (@FootballVids4K) February 20, 2018
Antonio Conte ka zgjedhur të bëjë lojë defensive duke pritur që të ndëshkojë me kundërsulme, kurse Ernesto Valverde luajti me stilin e zakonshëm të Barcës me posedim të topit.
Kjo është ndeshja e parë e 1/8 së finales të Ligës së Kampionëve, ndërsa ndeshja e kthimit do të zhvillohet në Camp Nou. /Telegrafi/