Kryetari i Komitetit për Mbrojtje, Andrei Kartapalov, ka sulmuar verbalisht ministrin rus të Mbrojtjes.
Ai ka kërkuar, që në opinion të mos publikohen shumë informacione të rreme për situatën në front në Ukrainë, transmeton Telegrafi.
“Rusët do të duhej të informoheshin më shumë për atë se çfarë po ndodhë në vijat e para të operacionit ushtarak të Moskës në Ukrainë”, tha gjeneral-lejtnanti – duke shtuar se ministria e Mbrojtjes duhet të ndalet me fshehjen e informacioneve nga qytetarët.
Ai i ka bërë thirrje ministrisë rus të Mbrojtjes që të heq dorë nga gënjeshtrat: “Nuk ka më gënjeshtra, tashmë kemi diskutuar për këtë”.
Ai shkoi edhe më tej duke theksuar se Byroja e Informacionit Sovjetik gjatë muajve të parë të pushtimit nazist të BRSS-së në vitin 1941, kishte publikuar më shumë informacione sesa që bëhet sot në Rusi.
“Në çdo raportim kanë treguar se diku po tërhiqemi, diku po refuzojmë me këmbëngulje dhe po mbrohemi nga armikut, e dikur i kemi braktisur rajonet”, tha Kartapolov, fjalët e të cilit u publikuan në Telegram.
“Raportimet e ministrisë së Mbrojtjes praktikisht nuk po ndryshojnë përmbajtjen e saj”, tha ndër tjera Kartapolov duke paralajmëruar se rusët “nuk janë budallenj”, dhe po e shohin se nuk po u lejohet të kenë qasje në as edhe një pjesë të së vërtetës. /Telegrafi/
Russian MP Andrei Kartapolov, a former army general, says the Defence Ministry needs to stop lying in its daily updates on the war
"People are far from stupid. They can see that they're not being told the truth" pic.twitter.com/xxz5hsp1gU
— Francis Scarr (@francis_scarr) October 5, 2022