Policia e Kosovës, Drejtoria Rajonale e Policisë në Pejë, njofton se bazuar në autorizimin e organit kompetent për publikimin e fotos së personit të kërkuar më Letë rreshtim, me qëllim lokalizimin dhe rrjedhimisht arrestimin e tij, ka lëshuar një kërkesë për bashkëpunim me qytetarët.
Sipas njoftimit për media, personi i kërkuar është:
RAMË (Halil) SMAJLI i lindur me 27.09.1980 në Pejë.
I dyshuari është i kërkuar për veprat penale si më poshtë:
5- (pesë) raste për veprën penale “Grabitje”
2- (dy) raste për veprën penale “ Vjedhje Grabitqare”
1- (një) rast për vepër penale ‘ Vjedhje e Rëndë’
1- (një) rast për veprën penale “ Vjedhje”
“I dyshuari i lartcekur kërkohet nga Gjykata Themelore Pejë dhe Prishtinë. Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Drejtoria Rajonale e Policisë në Pejë, çdo të Premte do të publikojë nga një ose më shumë persona në kërkim, për të cilët kërkohet ndihma e qytetarëve me qellim, sjelljen e tyre para organeve të drejtësisë”, thuhet në njoftim.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– 039 432 327-Drejtoria Rajonale Pejë
– E-mail adresa: info@kosovopolice.com/Telegrafi/