Policia e Kosovës ka bërë apel tek qytetarët e Kosovës që të mos ndezin zjarre në natyrë.
Përmes një njoftimi për media thuhet se disa nga rastet e fundit të zjarr-vënieve kanë dal nga kontrolli duke shkatërruar sipërfaqe të tëra të maleve, fushave dhe plantacioneve të mbjella me pemë, objekte afariste dhe hapësira tjera duke kërcënuar direkt pasurinë dhe jetën e njerëzve.
“Duke iu referuar rasteve të fundit të zjarr-vënieve në disa rajone të vendit, Policia e Kosovës apelon tek të gjithë qytetarët që në asnjë mënyrë mos të ndezin zjarre në vende të hapura, qoftë në prona private, me qëllim të pastrimit të arave përmes ndezjes së mbeturina në to.
Disa nga rastet e fundit të zjarrvënjeve kanë dal nga kontrolli duke shkatërruar sipërfaqe të tëra të maleve, fushave dhe plantacioneve të mbjella me pemë, objekte afariste dhe hapësira tjera duke kërcënuar direkt pasurinë dhe jetën e njerëzve”, thuhet në njoftim.
Sipas Policisë, të gjitha rastet e zjarr-vënieve do të hetohen.
“Policia e Kosovës do të hetojë të gjitha rastet e zjarr-vënieve dhe ndaj kryerësve të veprës penale ‘zjarr-vënie’ do të zbatojë masa ligjore dhe kryerësit e veprave të tilla do të dënohen komfor ligjeve të aplikueshme”./Telegrafi/