8 Marsi, Dita Ndërkombëtare e Gruas shënohet në tërë botën e po ashtu edhe në Kosovë.
Zakonisht institucionet bëjnë dhurata për 8 Mars për gjininë femërore.
Dhuratë për festën e 8 Marsit ka bërë edhe Policia e Kosovës për koleget e tyre.
Ato sot do të qerasen me një drekë e cila është organizuar nga Sindikata e Policisë.
Nënkryetari i Sindikatës së Policisë së Kosovës Shaban Tasholli ka treguar për këtë organizim që ka bërë sot policia për pjesëtaret e uniformuara.
‘’Ne për 8 Mars kemi organizuar një drekë për anëtaret e sindikatës së policisë në orën 12:00”, ka thënë Tasholli për KosovaPress.
Policia e Kosovës në mesin e saj ka një numër të femrash prej 8 për qind.
Sipas Tashollit kjo shifër jo që është e kënaqshme, por është më e mira në Evropë.
“Në Polici janë 1300 femra janë të punësuara”, ka treguar Tasholli.
Ndryshe Policia e Kosovës për çdo vit organizon ndeja ose shpërndan dhurata për policet femra për Ditën Ndërkombëtare të Gruas.