Stefano Pioli zbuloi se çfarë u tha Zlatan Ibrahimovic lojtarëve të Milanit në bisedën para ndeshjes për t’i ndezur dhe gati për të lënë anash makthin e ‘Veronës Fatale’.
Kuqezinjtë kishin nevojë për një fitore në Stadio Bentegodi për të ruajtur epërsinë e tyre prej dy pikësh në krye të tabelës së Serisë A.
Kjo është një ndeshje që ka qenë gjithmonë problematike për Milanin, i cili në mënyrë të famshme humbi Scudetton me humbje të kushtueshme këtu në vitin 1973 dhe 1990, duke i dhënë pseudonimin ‘Verona Fatale’.
Duke folur në konferencën e tij për shtyp pas fitores 3-1 , trajneri Pioli tregon se fjalimi kyç është mbajtur nga 40-vjeçari Ibrahimovic në dhomat e zhveshjes.
“Ne e dinim që nuk kishte të nesërme, kishte vetëm sot”, shpjegoi Pioli.
“Ibrahimovic tha diçka të mrekullueshme: ‘Të gjithë i mbajnë mend lojtarët e Milanit që fituan Scudetton ose Ligën e Kampionëve, kështu që nëse duam të kujtohemi, ne kemi tre ndeshje për ta bërë këtë’”.
Djajtë tani kanë nevojë vetëm për katër pikë nga dy ndeshjet e mbetura për t’u kurorëzuar kampionë të Italisë.
Ata presin Atalantën më 15 maj dhe vizitojnë Sassuolon më 22 maj.
Milani mund të përfundojë me pikë të njëjta me Interin dhe ende të fitojë titullin, pasi ata kanë një rekord superiore në ndeshjet ballë për ballë. /Telegrafi/