Paul Pogba do të bashkohet vetëm me Real Madridin ose Barcelonën nëse largohet nga Manchester United.
Kështu ka deklaruar vëllai i tij, Florentin, i cili ka shprehur besimin se Paul Pogba do të largohet një ditë nga Manchester United.
Dhe, sipas tij janë dy destinacione për vëllain e tij, e janë vetëm dy klube, si Barcelona dhe Real Madridi.
“Na pëlqen tiki-taka. Sa herë që mundem unë i shikoj ndeshjet e tyre në televizion ose shkoj në Camp Nou”, ka thënë ai për AS kur është pyetur për të ardhmen e vëllait të tij dhe nëse i përshtatet stili i Barcës.
“Kur vëllai im të largohet nga Manchester United, janë vetëm tri klube ku ai mund të përmirësohet, si City, Real Madridi ose Barcelona. Te City ai nuk mund të shkojë, por te Barca ose Reali”.
“Kur ai ishte te Juventusi, ai ka mundur të shkonte te BArcelona, por ishte i përkushtuar për t’u kthyer te Unitedi. Ka pasur edhe një lëvizjë që ai të shkojë te Real Madridi kur Zidane ishte trajner, por ai e ka pasur zemrën në Angli”, shtoi vëllai.
7 – With four goals and three assists, December 2018 has been Paul Pogba's best ever month for league goal involvements in his top-flight career. Heaven. #MUNBOU pic.twitter.com/DGDu2SkiBj
— OptaJoe (@OptaJoe) December 30, 2018
Florentin beson se largimi i Jose Mourinhos ka qenë faktor kyç për përmirësimin e formës së vëllait të tij.
“Largimi i Mourinhos ishte krucial. Ai nuk ishte i lumtur dhe kjo shihej qartë. Tani, nën Solskjaerin, gjithçka është më mirë. Vëllai im e njeh atë nga drejtimi i të rinjve te Untiedi”, përfundoi ai.
United i shkon Arsenalit sonte mbrëma (e premte) në kuadër të FA Cup. /Telegrafi/