Sipas raportimeve që vijnë nga Franca, ish ylli i Juventusit, Paul Pogba, është penduar për kalimin e tij te Manchester United.
Mesfushori kaloi nga Bianconerët në verën e vitit 2016 për një rekord në atë kohë prej 110 milionë euro.
Ai deri më tani ka arritur këtë sezon të shënojë tre gola dhe të asistojë 10 herë, por L’Equipe shkruan se ai nuk është i lumtur në Old Trafford.
Marrëdhëniet e Pogbas me Jose Mourinhon janë tensionuar në kohën e fundit dhe francezi është i pa lumtur me situatën aktuale në klub dhe stilin lojës që është i detyruar ta luajë.
Në verë francezi u mundua që ta bind shokun e tij të kombëtares, Antoine Griezmann të bashkohet me United, por kjo nuk u bë.
L’Equipe shkruan se Pogba është i penduar që u bashkua me Manchesterin, ndërsa flitet se ai mund të bashkohet në verë me Real Madridin.
Do të jetë shumë e vështirë, pasi Pogba ka kontratë deri në vitin 2021 me Manchester Unitedin. /Telegrafi/