Një grup i ushtarëve çeçenë që luftojnë në radhët e ushtrisë ukrainase kundër rusëve, kanë kryer me sukses një operacion kundër trupave të Vladimir Putinit në një zonë malore.
Ata organizuan një pritë për kamionin e ushtrisë ruse që po kalonte pranë tyre – duke u fshehur pas pemëve dhe në momentin që kaloi mjeti ushtarak filluan të shtien në të, transmeton Telegrafi.
Çeçenët e qëlluan kamionin me breshëri plumbash derisa nuk përfundoi në skaj të rrugës, kurse pamjet janë publikuar nga ministria ukrainase e Mbrojtjes.
Mbi kamion shkrepën qindra plumba, për faktin se ishte i blinduar dhe donin të siguroheshin që e kanë neutralizuar kamionin e forcave pushtuese.
Në anën tjetër, mbrëmë kanë ndodhur dy shpërthime të fuqishme mbi një urë në Krime, ku si pasojë një pjesë e urës është dëmtuar.
Deri më tani nuk dihet se me çfarë mjetesh është dëmtuar apo kush mund ta ketë kryer sulmin në këtë urë, që lidhë gadishullin e Krimesë me Rusinë. /Telegrafi/
