Policia e Kosovës njoftoi se ka ndëshkuar dy kundërvajtës për gara të kundërligjshme në trafikun rrugor.
Sipas njoftimit, njësitet e Stacionit Policor në Vushtrri kanë identifikuar dhe proceduar me masa ndëshkimore ndaj dy shoferëve pasi janë hasur duke bërë gara sportive në rrugën Mitrovicë-Vushtrri.
“Kundërvajtësit janë hasur në aksin rrugor Mitrovicë-Vushtrri, të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor”, thuhet në komunikatën për media.
Kundërvajtësve iu janë shqiptuar gjobat prej 150 euro, si dhe nga një pikë negative. /Telegrafi/