Mesfushori i Paris Saint-Germain, Vitinha i ka mohuar lajmet se ai ishte i përfshirë në një përleshje me Lionel Messin në stërvitje dhe zbulon se ai ka dashur të largohet nga klubi francez.
Sipas gazetës franceze L’Equipe, Messi dhe Vitinha patën një përleshje gjatë një seance stërvitore në muajt e parë të vitit 2023.
“Jo vetëm që jeni i dobët, por jeni duke më lënduar mua gjithashtu”, thuhet t’i jetë drejtuar argjentinasi, Vitinhas.
French media reported that Messi told Vitinha last January: “Not only you are weak, but you're hurting me”.
⛔️ Vitinha: “I don't usually comment on anything about the press, but this time I have to say it. It is completely false that this happened”. pic.twitter.com/uilPRLS1sK
— Fabrizio Romano (@FabrizioRomano) September 20, 2023
Kjo kritikë nuk ishte pritur mirë nga Vitinha i cili ishte i gatshëm të largohej nga “Parc des Princes” derisa bashkëkombësi i tij Danilo Pereira e bindi që të qëndroj.
Sidoqoftë, lojtari tashmë ka folur dhe i ka cilësuar këto raportime si plotësisht të pavërteta.
“Unë zakonisht nuk komentoj asgjë tek mediat, por këtë herë jam i detyruar të flas. Është plotësisht e pavërtetë se kjo ka ndodhur”, ka shkruar mesfushori në një postim në platformën X.
Nga një figurë jo e rëndësishme nën urdhrat e Christophe Galtier, Vitinha tashmë ka marrë veten dhe është një ndër lojtarët kyç tek ekipi francez dhe trajneri Luis Enrique, falë paraqitjeve të mira të tij.
Ai ishte një ndër figurat kyçe në fushë në fitoren e PSG-së në ndeshjen ndaj Dortmundit në Ligën e Kampionëve të martën, teksa të besuarit e Enriques regjistruan një fitore me rezultat 2-0.
Vitinha shpreson se do të vazhdojë me paraqitje të mira edhe në vikend, kur PSG do të përballet me ekipin e Marseille.
Në anën tjetër, Messi do të rikthehet në fushë me ekipin e tij Inter Miami që do të përballet me Toronton në MLS. /Telegrafi/