Juventus ka një plan për të nënshkruar objektivin kryesor Angel Di Maria, i cili gjithashtu është në bisedime me Barcelonën.
Sulmuesi anësor argjentinas, 34-vjeçari Di Maria po largohet nga Paris Saint-Germain si transferim i lirë këtë muaj pas shtatë vitesh në kryeqytetin francez.
Ai është gati për një aventurë tjetër në Evropë përpara se të kthehet në Amerikën e Jugut, dhe Bianconerët janë jashtëzakonisht të etur për ta marrë atë.
Sipas La Gazzetta dello Sport, Di Maria po kërkon një kontratë njëvjeçare me vlerë 9 milionë euro dhe Juventus ka një strategji për të arritur marrëveshjen.
Ideja është që argjentinasi të lidhet me klubin për dy vite fiskale, duke e liruar pas vetëm 13 muajsh për të përfituar nga Dekreti i Rritjes.
#Juve, il piano per Di Maria: vuole 9 milioni per un anno, così si può accontentare https://t.co/2gtd4TBiZF
— La Gazzetta dello Sport (@Gazzetta_it) June 10, 2022
Skuadra nga Torino shpreson që ideja të jetë mjaft bindëse për sulmuesin argjentinas 34-vjeçar, i cili gjithashtu mund të bëjë kalimin në Spanjë.
Këtë sezon, Di Maria shënoi pesë gola dhe dha tetë asistime në 26 paraqitje në Ligue 1. /Telegrafi/