Klubi nga liga e dytë australiane, Avondale FC, i ka bërë ofertë Andrea Pirlos që të kthehet nga pensionimi, mirëpo legjenda e futbollit italian nuk është i interesuar.
Mjeshtri i mesfushës u pensionua nga futbolli pas largimit nga klubi i MLS-së, Neë York City FC, ndërsa në muajin qershor zhvilloi një ndeshje lamtumirëse në San Siro.
Tash, ESPN raporton se Avondale i ka kërkuar të tërhiqet nga pensionimi dhe të luajë në çerekfinale të Kupës FFA kundër Sydney FC që zhvillohet më 19 shtator.
Mirëpo, përfaqësuesit e Pirlos e kanë njoftuar klubin që është në pronësi të amerikanëve se 39-vjeçari nuk dëshiron të luajë.
Kujtojmë që kundërshtari i Avondales në kupë, Sydney, ka pasur në radhët e veta një legjendë italiane në të kaluarën. Alessandro Del Piero ka luajtur për dy sezone atje pas largimit nga Juventusi.
Andrea Pirlo bën pjesë në listën e mesfushorëve më të mirë që i ka njohur historia e futbollit.
Gjatë karrierës, ai ka luajtur për tre klubet e mëdha italiane, Inter, Milan dhe Juventus, duke e fituar, ndër të tjera, gjashtë herë Scudetton (dy herë me Milanin dhe katër herë me Juventusin), Ligën e Kampionëve (dy herë me Milanin), si edhe Kampionatin Botëror me Italinë (2006). /Telegrafi/