Gerard Pique u tërhoq nga futbolli i luajtur para disa ditëve, duke befasuar të gjithë me vendimin e tij, pasi erdhi pa paralajmëruar.
35-vjeçarin që preferoi ta mbyllte karrierën te Barcelona dhe të mos transferohej në një tjetër klub tjetër.
Ai së fundmi, ka thënë një një intervistë – se bie dakord me Florentino Perez, presidentin e Real Madrid për Superligën Evropiane teksa shton se futbolli duhet të gjejë mënyra për t’u bërë më tërheqës, pasi sipas tij 90-minuta janë shumë.
“Mënyra se si u prezantua projekti i Superligës nuk ishte mirë, sidomos kur erdhi nga një si Florentino Perez. Por, më duhet që në këtë moment të jem dakord me Perez, pasi futbolli ka nevojë të gjejë mënyra për të tërhequr audiencë të re”.
“Gjithsesi, nuk jam plotësisht dakord me Superligën, teksa mendoj se duhet të kemi një produkt më të shkurtër dhe më shumë tërheqës. Për mua, 90-minuta futboll janë shumë”, ka thënë Pique. /Telegrafi/