Gerard Pique beson se Lionel Messi duhet të kishte fituar çdo ‘Top të Artë’ që nga viti 2009, pasi shoku i tij i skuadrës është në një nivel tjetër.
Cristiano Ronaldo mori kurorën në vitet 2013 dhe 2014, ndërsa ylli portugez është favorite për të marrë edhe çmimin e këtij viti, pasi Messi fitoi këtë çmim në vitin 2010, 2011, 2012 dhe 2015.
Sulmuesi i Real Madridit fitoi çmimin edhe në vitin 2008, kur ai ishte me Pique në skuadrën e Manchester United, por mbrojtësi tani mendon se Messi ka qenë superior për të gjithë rivalët në çdo vit që nga ai vit.
“Nëse Topi i Artë është dhënë për lojtarin më të mirë në botë, Leo do të kishte fituar atë çdo vit që nga viti 2009. Është në një nivel tjetër”, ka thënë 29-vjeçari në llogarinë e tij në Twitter, përcjell Telegrafi.
Fjalë të mira për Messin kishte dhe mesfushori i Sevillas, Vitolo, i cili e quajti argjentinasin si futbollistin më të mirë në histori. /Telegrafi/