Pioli para takimit me Interin: Disa ndeshje vlejnë më shumë se tre pikë – derbi nuk luhet, por fitohet

Stefano Pioli dëshiron që Milani të frymëzohet nga Zlatan Ibrahimovic kur ata ndeshen me Interin në Derby della Madonnina, ndërsa ka theksuar se disa ndeshje vlejnë më shumë se disa tjera.

Derby della Madoninna i dytë i këtij sezonit do të zhvillohet të dielën me fillim nga ora 20:45 në San Siro.

Interi deri më tani është duke e rivalizuar Juventusin në garë për titull, ndërsa Milani vetëm së fundmi ka gjetur formën e mirë duke filluar ngjitjen në tabelë.

Për formën e të dyja skuadrave dhe derbin në përgjithësi ka folur trajneri i Rossonerëve, Pioli.

Lexo po ashtu Conte para derbit me Milanin: Luajmë vetëm për tri pikë, Ibrahimovic një kampion

“Ekziston një hendek në tabelë sepse Interi bëri shumë më mirë në fillim të sezonit, por ne po mundohemi të rimarrim terrenin e humbur dhe të arrijmë në këtë takim në gjendje të mirë”, ka thënë fillimisht Pioli në konferencën për shtyp.

“Të gjitha ndeshjet janë luajtur për të fituar, por ka disa ndeshje që vlejnë më shumë se të tjerët. Një derbi është për tu fituar”.

“Pjesa më e mirë e përgatitjes për një derbi është hartimi i strategjisë së ndeshjes, duke marrë parasysh karakteristikat e kundërshtarit”.

“Nuk shqetësohem, pasi Interi është gjithmonë i njohur në taktikat e tyre. Ne duam të jemi solid dhe shumë të rrezikshëm, kështu që ka të bëjë me të gjitha këto mundësi kur t’i paraqesin ato”.

“Ne i respektojmë kundërshtarët tanë, ata janë një ekip i fortë dhe do të ndeshemi me vështirësi, por duhet të ruajmë vetëbesimin tonë gjatë gjithë ndeshjes, të mbështetemi në idetë tona të qarta”.

“Interi është i pamposhtur në Serinë A për një kohë shumë të gjatë, por ne duhet të marrim frymëzim nga Ibrahimovic dhe të gjithë të marrin fytyrën e tij, atë fytyrë të ndezur, të vendosur dhe të uritur”.”

“Fitorja do të thotë të ngjitesh në tabelë, të forcosh besimin, pozitivitetin dhe të kesh qëndrim të duhur. Derbi vlen më shumë se tre pikë, skuadra ime ka treguar guxim dhe kemi një mundësi tjetër për ta bërë atë nesër”, përfundoi italiani. /Telegrafi/