Telegrafi

Pilotit rus të helikopterit që dezertoi, do t’i jepen 500 mijë dollarë shpërblim nga ukrainasit

Piloti rus i helikopterit që dezertoi në Ukrainë, do të marrë një shpërblim që kap shumën e 500 mijë dollarëve.

E përditshmja ukrainase Ukrainska Pravda citon zyrtarët e inteligjencës ushtarake të Kievit, që thanë se piloti Maksim Kuzminov do të pranojë një shpërblim nga Ukraina, transmeton Telegrafi.

“Ata rusë që nuk duan të bëhen kriminelë lufte, ju lutem dorëzohuni, kaloni nën anën e Ukrainës”, thuhet në raportin e inteligjencës ushtarak të Ukrainës.

Në disa postime të ndara në Telegram, departamenti i inteligjencës ukrainase ka bërë të ditur se piloti 28-vjeç tani u bën thirrje rusëve tjerë që të ndjekin shembullin e tij.

Lexo po ashtu Piloti rus që dezertoi në Ukrainë me helikopter: Vdekje, lot e gjak - nuk do të jem pjesë e saj

Kuzminov foli gjatë një konference për media në Kiev lidhur me operacionin e rrezikshëm, që përfshinte fluturimin me helikopterin Mi-8 nga Rusia në Ukrainë.

Në raportin e departamentit të inteligjencës ukrainase, thuhet se piloti ka fluturuar shumë ulët.

“Askush nuk e dinte se çfarë po ndodhë me mua. Me sa duket askush nuk e kuptoi çfarë ndodhi për tri apo katër ditë. Fluturova dhe zbrita me sukses”, u tha ndër tjera në raport. /Telegrafi/