Telegrafi

Pesë palestinezë mbetën të vdekur në Gaza – mbi ta ranë ndihmat humanitare e hedhura nga një aeroplan

Nol Elshani

Të paktën pesë persona mbetën të vdekur dhe dhjetë të tjerë u lënduan pasi hedhjes së ndihmave humanitare nga aeroplani në kampin Al Shati në perëndim të qytetit të Gazës

Pakove iu prishën parashutat e tyre dhe ranë mbi njerëzit që i prisnin, raporton cnn. Disa nga të lënduarit janë në gjendje të rëndë.

Ndihma humanitare është hedhur sot në Gaza nga SHBA-ja, Jordania, Egjipti, Franca, Holanda dhe Belgjika, por nuk dihet se pakot e cilit vend shkaktuan vdekjet.

Kujtojmë se amerikanët realizuan aksionin e parë të shpërndarjes së ndihmave gjatë javës së kaluar.

Ata shpërndanë 38 mijë pako ushqimore përgjatë Rripit të Gazës në një operacion të përbashkët me Jordaninë.

Ndryshe, presidenti amerikan, Joe Biden ka deklaruar gjatë fjalimit vjetor në Kongresin amerikan, se SHBA-ja do të ndërtojë një port të përkohshëm në Bregun Perëndimor për të dërguar ndihma për popullin palestinezë. /Telegrafi/