Këngëtarja e njohur nga Ferizaj, Fifi, ka qenë ndër personazhet më të komentuar brenda spektaklit Big Brother VIP.
Ajo javë më parë u tërhoq nga gara për tu përqendruar më shumë në shëndetin mendor.
Derisa është larguar nga shtëpia më e famshme në Shqipëri, artistja ka bërë për herë të parë opsionin ‘pyetje-përgjigje’ për ndjekësit në Instagram.
Pyetjet kanë qenë të shumta dhe disa prej tyre ishin për kohën e kaluar në Big Brother e veprimet e saj.
E pyetur se ‘përse qante vazhdimisht dhe bënte skena’, Filloreta Raçi (emri i vërtetë) nuk ka hezituar të përgjigjet.
“Pse ke bërë skena në Big Brother, qaje pa arsye, vrapoje e para për çdo gjë, nuk më kanë pëlqyer”, ka qenë pyetja e drejtuar nga një ndjekës.
“Veç me pyet ti përse”, u përgjigj Fifi.
Ajo ndërkaq ka qenë njëra prej banorëve që ka dhuruar momente të mëdha, emocione e lot para publikut. /Telegrafi/