Një veturë është përplasur në një pompë të derivateve në Kaliforni, duke bërë që të shpërthej një zjarr i madh dhe klientët që ishin afër të fillojnë të vrapojnë nga frika se mund ta pësojnë me jetë.
Zyrtarë të pompës kanë bërë të ditur se përplasja ka ndodhur në qytetin Modesto – e pavarësisht shpejtësisë së madhe të veturës dhe përplasjes së drejtpërdrejtë, askush nuk është lënduar, transmeton Telegrafi.
Kamerat e sigurisë kanë kapur momentin kur vetura me shpejtësi afrohet dhe përplaset në pompë. E goditja ishte aq e fuqishme, sa që e shkuli makinerinë duke bërë që menjëherë benzina të derdhet nëpër tokë.
E veturat tjera që ishin ndaluar, shoferët e tyre menjëherë filluan të largohen me shpejtësi nga frika se mund të vie deri të ndonjë shpërthim i fuqishëm. /Telegrafi/
