Këngëtarja e njohur shqiptare, Dafina Zeqiri së fundmi ka lansuar një tjetër projekt të ri muzikor.
Përmes disa imazheve, artistja ka njoftuar se ka nisur xhirimet e videoklipit më të ri.
Në një foto që ndau sot (e martë) me fansat në llogarinë e saj në Instagram, Dafina shihet pa makijazh dhe vetulla të lyera me ngjyrë të bardhë.
“Dita e dytë e xhirimeve”, ka shkruar Dafina në mbishkrim e postimit ndërsa u vërshuan nga komentet e shumta të fansave që padyshim mezi presin një këngë të reja nga ajo.
Ndërkohë, këngëtarja gjithashtu ka ndarë foto me një dukje elegante ku shihet me një veshje me gurë kristali.
Mbetet të shihet se çfarë ka përgatitur këngëtarja e cila njihet për hitet të shumta.
Ndërsa, kujtojmë që vetëm pak ditë më parë, Dafina ka publikuar bashkëpunimin e ri me Ron Zaitin “Boma ni tel”.
Projekti po mirëpritet nga ana e fansave dhe brenda pak ditësh ka grumbulluar mbi një milion klikime në kanalin zyrtar në YouTube. /Telegrafi/
