Përgatiti tortë me ngjyra të flamurit të Ukrainës, autoritetet ruse dënojnë gruan për “diskreditim” të ushtrisë

Që kur Vladimir Putin dërgoi trupat në Ukrainë në shkurt të vitit 2022, autoritetet ruse kanë ndaluar çdo kritikë publike për “operacionin special ushtarak”.

Dje, gjykata e qarkut Izmailovo në Moskë, urdhëroi bukëpjekësen Anastasia Chernysheva të paguajë një gjobë prej 35,000 rubla (rreth 395 euro) për “diskreditimin” e ushtrisë ruse, tha një përfaqësues i gjykatës për AFP.

Gjegjësisht, në Instagram, ku e ndjekin më shumë se 25 mijë njerëz, Chernysheva postoi fotografi të ëmbëlsirave shumëngjyrëshe me mesazhe kundër luftës ose me ngjyrat e flamurit të Ukrainës, së bashku me foto të tjera të ëmbëlsirave me mbishkrimet “Dashuria do të fitojë” ose “Unë të dua!”.

Lexo po ashtu Zelensky: Di të qëllojë, kundër rusëve do të luftoja deri në vdekje

Autoritetet e ndaluan për pak kohë të enjten, pasi një media ultra-konservatore tërhoqi vëmendjen ndaj saj në janar.

Ky nuk është rasti i parë në Rusi, që arrestime apo dënime të tilla u jepen qytetarëve që mendojnë ndryshe nga Putinit për luftën në Ukrainë. /Telegrafi/