Ka përfunduar pjesa e parë në miqësoren që po zhvillohet ndaj Feronikelit dhe Milanit në stadiumin ‘Fadil Vokrri’.
Pjesa e parë ishte tejet interesante me lojën që zhvilluan të dyja palët, derisa Rossonerët kaluan në epërsi në minutën e 25-të.
Ishte Suso, ai që e hapi llogarinë për skuadrën italiane, duke shënuar në portën e Smakiqit që ishte i pafuqishëm ta ndalonte goditjen e spanjollit nga gjuajtja e lirë.
Natyrisht se Milani në këtë pjesë të parë ishte dukshëm skuadër më e mirë se ajo e kampionit të Superligës së Kosovës, që nuk arritën të krijonin një rast të vetëm.
Lojtarët e Niklit janë të vendosur mjaftë mirë në mbrojtje, derisa po lënë pak hapësira, pasi golin e pësuan nga gjuajtja e lirë, derisa në pjesën e dytë me gjasë do të zhvillojnë në lojë më ndryshe. /Telegrafi/