Tashmë ka përfunduar edicionin 2020/2021 në Superligën e Kosovës.
Prishtina pas tetë vitesh arriti të rikthente titullin në kryeqytet, duke shpallu kampion dy xhiro më parë.
Bardhëeklatërit me titullin e fituar, do të luajnë po ashtu në parakualifikimet e Ligës së Kampionëve që fillojnë në këtë verë.
Në vendin e dytë përfundoi ish-kampioni, Drita, gjersa po ashtu siguruan fazën e parakualifikimeve në Ligën e Evropës.
Në mesin e tabelës arritën të pozicionohen, Ballkani , Gjilani dhe Llapi, me skuadrën nga Theranda që ishte deri në pesë xhirot e fundit në garë për titull.
Për mbijetesë luftuan Drenica dhe Feronikeli, që ia dolën të kryenin me sukses misionin e tyre në këtë sezon.
Trepça ’89 deri në sekondat e fundit tentoi t’i ikte barazhit, mirëpo ata duhet të zhvillojnë edhe një takim për të tentuar qëndrimin në elitën e futbollit kosovar.
Në Ligën e Parë kanë rënë Arbëria dhe Besa, me skuadrën nga Dobraja që u angazhua mjaftë shumë, por fati nuk ishte në anën e tyre. /Telegrafi/