Presidenti i Real Madridit, Florentino Perez ka folur rreth sulmuesit brazilian të Paris Saint-Germain, Neymar.
Mbrëmë (e enjte) u mbajt në Paris nën objektin e Kullës së Eifelit, ceremonia e dhurimit të Topit të Artë për vitin 2017.
Ky çmim i madh individual që dhurohet nga revista franceze France Football i takoi sulmuesit portugez të Real Madridit, Cristiano Ronaldo.
Me këtë trofe Ronaldo ka barazuar rivalin e tij të madh, Lionel Messi, i cili ka po ashtu pesë çmime të mëdha individuale.
Pas ndarjes së çmimit ka folur edhe Perez, i cili pas lëvdatave që i dha Ronaldos ka folur edhe Neymarin, për të cilin po flitet një transferim i mundshëm në Santiago Bernabeu.
“Neymar? Të ishte në Madrid do të kishte më shumë lehtësi për ta fituar atë [Topin e Artë]”, ka thënë fillimisht Perez.
“Madridi është një klub që i jep atë që i nevojitet një lojtari të madh”,
“Të gjithë e dinë që unë doja ta nënshkruaja me atë para një kohe”, përfundoi presidenti i Real Madridit. /Telegrafi/